السلام عليكم
خلاص دخلنا ف معمة الامتحانات والبهدله وطلوع العين...واتحشرت فى مكتبى وحواليا كومه وتل كتب
ربنا مع كل اللى بيذاكروا وتعدى الفتره دى بسرعه ونرجع فريش تانى
من فتره كتبت قصة رجل التلج وكانت كبيره جدا واخدت فيها وقت ومجهود كبير لانى كنت بحاول ارتب المشاعر والاحساسيس اللى فيها وكأنى بكتب سيناريو والادهى من كدا انى بكتبها بقافيه مع مراعاة الوزن اللى هربت منه فى اغلب الاوقات
المهم انها واقعيه جدا وحاولت احط فيها فلسفه بسيطه اوى بتظهر ف احساس الموقف
مش بقول انها حاجه عبقريه...لا ابدا....عشان عارف نفسى وعارف حدودها بس هى بجد عزيزه اوى على نفسى
مالقش حل عشان انزلها ع التدوينه غير انى اقسمها على كذا جزء عشان طويله جدا
فكرت ف الاول ممكن تكون دى حاجه رخمه وقلة ذوق منى لما اقعد اقول تو بى كونتيود بس دا الحل عشان اسجل فى تدوينتى حاجه م الحاجات اللى كتبتها
عموما يعنى ضطريت اشيل الجزء الاول دا عشان ف الاجازه-دا لو اخدت اجازه-ابقى اقدر انزلها فى كذا بوست مافيش فرق بينهم غير يوم او يومين
بعتذر جدا جدا جدا لجهينه-وردة البلوج-عشان عملت ديليت للبوست وبقولها ادعيلى ف امتحاناتى
بالتوفيق للجميع
8 comments:
ربنا يكرمك يا سيدي ويكرمك وينجحك
ابقي طمني عليك
واوع تنسي حلاوه النجاح
ربنا معاك يا رب
تحياتي
ولو اني مش فاهمة لاني بقالي زمن مدخلتش بس ماشي يا عم مستنين الاجزاء
وربنا معانا ومعاااااك يااااارب
ادعيلي معاك
مستنيين الاجزاء واكيد هتبقى حاجه جامده
وربنا معاك فى الامتحانات
ومعانا ومع كل اللى بيمتحنوا
اولا ربنا يخليك الف مليون شكر علي ذوقك
وثانيا ربنا معاك
وان شاء الله موفق في الامتحانات
وبجد لو فيه فرصه ابقي طمني عليك وقولي هتخلص امتي
البوستات بتعتي مش هيكون ليها طعم من غير تعليقك
يلا ربنا معاك
تحياتي
ياااااااااااااه
الامتحانات دي وحشه بشكل
ايه الغيبه الطويله دي
طمني عليك اول ما ترجع
تحياتي
ايه ياعم انا هعيط هو انت لوحدك
اللى بتمتحن
مااحنا معاك برده
وان شاء الله ربنا يوفقك
وسبها على ربنا
وبالنسبه لرجل التلج
انا خايف لحسان يسيح منك لغايه ماتنزله
فياريت تحطه فى التلاجه
http://muzic-hits.blogspot.com
البوم عمور الجديد بما انك بتحبه
جهينه:فعلا الامتحانات دى وحشه لانها بتلهى الواحد عن ناس اقل حاجه يتقال عنها انهم ذوق وادب واخلاق
مش ح اطول عليكى عشان الحق ادخل تدوينتك قبل ما اروح واذاكر..اهىء اهىء
نوران:وحشتنى التدوينه بتاعتك لاجدا جدا وكلامك ودمك الخفيف ومحتاج اوى اضحك من كلامك
دودى:ازايك واكيد خلصتى امتحانات...يارب تكون خلصت على خير انا ع الصفحه بتاعتك دلوقت حالا اهو حتى شوفى....((:
الساحر:ح اظبطك يا معلم واقرا البوست الجاى دا...قااااااااااااااااااااااااتل
باد بوى:الدونلووود شغال يا معلم ومتشكر اوى...مع انك خلتنى اسيب المذاكره وح اقعد اسمع مليون مره...بس كله يهون عشان الكينج
Post a Comment