Monday, January 06, 2014

ابتديت اخاف

ابتديت اخاف
من لحظة ممكن فيها احب
يفضل فاكر طعمها القلب
وبعدها يعيش سنين مجروح


وابتديت اخاف
من كلام وسط الكلام اتحس
واتفهم من نظره واحده بس
واتقال ف النهايه بصوت مبحوح


وابتديت اخاف
علشان عارف نهاية البدايه
وعلشان اتكررت الحكايه
وبسيب الحلم من بين ايديا يروح


وابتديت اخاف
للوحده والعتمه بعدك قلبى يحن
يترمى تانى فى السجن مع ان
سهل يهرب منه ماهو اصل بابه مفتوح


وابتديت اخاف
تبقى كارهه اسمى وكارهه سيرتى
ويحكم عليا الزمن بتهمة خيانتى
بأن الحب مابقاش ليا تانى مسموح