حاول تفتكرنى

ياعيون حبيبتى افتكروا...صورتى وانا دايب فيكوا
بلاش فى يوم تنسوا...وعودى اللى كانت ليكوا
بلاش فى يوم تشوفونى...زى اى حد حواليكوا

ويا ايدين حبيبتى افتكروا...لهفة ايديا تيجى تسلم اليكوا
بلاش فى يوم تحسوا...ان الشوق مابقاش ماليكوا
بلاش فى يوم تخونونى...وتقولوا يومين وعدوا عليكوا

وياذكريات مع حبيبتى افتكروا...ايام كانت حلوه بيكوا
بلاش فى يوم تسمحولها...بعيد عن قلبها تخبيكوا
ولو جت فى يوم تبيعكوا...انا بعمرى اشتريكوا