Sunday, November 18, 2007

رباعيات ياقلبى

كل رباعيه هى حاله فى حد ذاتها...ساعات اللى بيكتبها...بيعبر عن حالات غيره...وف نفس الوقت بيكون حاطط فيها لغز...ماحدش يحله...غيره هو
فين ياقلبى نبضك واحساسك
فين راح شوقك لاغلى ناسك
ياترجع قلبى ياقلبى
ياادوق السم من نفس كاسك
وعجبى
سكاتك ياقلبى دا مالوش اسباب
جرحك ماهوش اول ولا اخر عذاب
كلامك مش راح يكون دوا ولكن
سكوتك مش ح يرجع الاحباب
وعجبى
ياقلبى يا انيسى الوحيد
جوا بير مظلم بعيد
خلتنى مش يائس وعايش
مع كل دقه امل جديد
وعجبى