واقف معاها بنتكلم....بتمنى اسمعها منها
شوقها خلانى اقول....مش ح اخبى حبى عنها
قولت ف وسط الكلام بحبك متداريه
وسألت عينيها امتى هتجاوبى عليا
كان باين م الاول انها......هتقول خلاص عاشقانى
ولما جت تنطق باسمى نطقت.... باسم واحد تانى
ساعتها ما كملتش كلامى...بصيت فى عينيها وسكت
سلمت عليها عادى....وجوايا اكيد اتألمت
طب كنت بحس بشوقها ازاى....ليه كنت فاكرها علشانى
ولما جت تنطق باسمى نطقت....باسم واحد تانى
دلوقت بس عرفت...انى مليت بالوهم حياتى
كانت مجرد حلم....فضلت احلم بيه ليلاتى
ياخساره ياقلبى مش هتقدر....فى يوم تقولها واحشانى
ماهى جت تنطق باسمى نطقت ...باسم واحد تانى
10 comments:
حاحا يا عم خالد
أيه يا عم الكومينتات الكتير اللى أنت عامله دى
أه صحيح انا عند أحمد مش عند خالد نسيت
جميله أوى يا أحمد
وربنا يسهل لازم أكمل لحنها بس والله أنا عندى حاله غريبه ومش عايز ألحن خالص
كالعاده اكثر من روووووووووووووعه
بجد حلوه جدا ما شاء الله احساسك بالكلام خلاك تعبر عن حاله بابسط كلام واعمق احساس
حلوه اووووووووى يا احمد
لا حلوة اوي اينعم هي معندهاش دم طب تركز بلاش تجرح احاسيسه بس بجد حلوة اوي اكتر حته عجباني بتاعه جت تنطق باسمي نطقت باسم واحد تاني لا تصدق دخلت دماغي اوي :)
هو تعبر اكتر من روعة
واحساس جميل جدا جدا
بس لو الحاله دى حصلت
بجد هيكون احساس رخم
اوى لحد بينجر بشكل
زى ده
بس بجد جميلة جدا
sa3ba awe law bgad :(((
Post a Comment