كل واحد فينا طالع من قصة حب
بكيت لها العين
وانجرح عشانها القلب
بنضحك على بعض واهو اسمه حب
بنداوى الجرح ازاى بالكدب
صدقينى صعب حكايتنا تطول
اصل احنا مش لبعض م الاول
ياما شوفتك سرحانه فيه جوا عينيا...يا ما استنيتك تنطقى باسمه
بس ما كنتش هقبل غير انك تفكرى فيا...ولا كنت هقبل يفضل لقلبك حلمه
بنضحك على بعض واهو اسمه حب
بنداوى الجرح ليه بالكدب
صدقينى صعب حكايتنا تطول
اصل احنا مش لبعض م الاول
وانا برضه اكيد معايا ظلمتك
فكرت فيها وانا معاكى
انا فعلا يا حبيبتى خونتك
لما قولت انك ملاكى
اصل دى كانت كلمتى ليها
كانت بتحبها وبتفرح بيها
بنضحك على بعض واهو اسمه حب
بنداوى الجرح ليه بالكدب
صدقينى صعب حكايتنا تطول
اصل احنا مش لبعض م الاول
8 comments:
انا فعلا يا حبيبتى خونتك
لما قولت انك ملاكى
اصل دى كانت كلمتى ليها
كانت بتحبها وبتفرح بيها
جميلة جدا المقتوعة دى
بجد احيك
على فكرا
انا اول مرة اكون اول كومنت عندك
وخد فى بالك دى هتحصل كتير فى المستقبل ان شاء الله
ما بني ع باطل فهو باطل ايه ده يعني بص فيه ناس كتير نظام داويها بالتي هى الداء يعني بيداوي الجرح بجرح اكبر فعلا بتبقى مصيبة الموضوع ده بس انت كاتبها حلوة اوي والله يا دكترة
خدمة انسانية عايزة الكود اللي بنحط بيه الاغنية لحسن فشلت كل محاولاتي مع اني كنت حطيتها لبنت عمي ومش عارفة احطها لنفسي :)
اجدع واحد ف الشارع:
انا ماغلطش لما قولت انك اجدع واحد فى البلوجر مش ف الشارع....وياسيدى دا شرف انك اول كومينت..ان شاالله اخر كومينت...انا معاك لو حتى ما كومينتتش عندى...:))
نوران:
ايواااااااا فهمتينى صح...كل واحد طالع من حب عنده فراغ عاطفى بيبقى عايز يملاه وطبعا الدنيا بتبوظ...بالنسبه للكود اهو بس حاولت احطه عند وعد العيون معرفتش عشان البلوج الجديد مش فهمته اوى...وعلى فكره يعلم ربنا والله العظيم تلاته يا نوران كنت لسه من فتره ماشى مع الحداد( وعد العيون)
قولتله انا عايز ادى لنوران الكود بتاع الاغنيه لانها كانت عايزاه من زمان وهى اللى ادتنى الطريقه لكن انا كملت وعرفتها كلها...مافهمتيش حاجه انا عارف من كلامى بس ربنا يعلم وخلاص...يعلم بأيه بقى...الله اعلم برضه....ههههههه...محدش فاهم حاجه...ههههههه
بصى هو الكود مش راضى ينزل فى الكومينت مش عارف ليه...انا هانزلهولك فى بوست وهبقى اشيل البوست لما تاخديه
وانا برضه اكيد معايا ظلمتك
فكرت فيها وانا معاكى
انا فعلا يا حبيبتى خونتك
لما قولت انك ملاكى
اصل دى كانت كلمتى ليها
كانت بتحبها وبتفرح بيها
ياااااااااااااه على جمال الحته ديه واحساسها جميله جدااااااااااااااااااااا
روووووووووووووعه بجد
يابوب
انت عديت يامان
الفكرة جديده والكلمات جميله
انت عديت بجد يامان
والله العظيم انت فنان بجد
انا تقريبا ماعشتش الاحساس ده
بس من كلماتك عشته وهو احساس مؤثر اوى فعلا
وفى النهايه انا بوجه رساله الى اى حد
انا ان شاء الله هفضل اول كومنت معلشى مره كده ولا حاجه بس انا هفضل ذى الاهلى اول كومنت علطول
وفى النهايه بحييك وربنا يوفقك
"
لما قولت انك ملاكى
اصل دى كانت كلمتى ليها
كانت بتحبها وبتفرح بيها
"
asaret feia awe el7etta de :(
maybe bcz i once used 2 hear those wor "Malaky"
and used to got blesed when i here it :))
alpost kollo 7elw awe btw
Post a Comment