حاولنا ومقدرناش
جينا نحب...ما اتحبناش
قولنا ندارى الحزن فى دموعنا
بس الدمع لوحده ماكفاش
حاولنا ومقدرناش
حاولنا نحلم بكلمة حب ما قالهاش
ونوهم عيونا بدنيا ماعيشنهاش
حاولنا نحلم
مات الحلم...والجرح عاش
حاولنا ومقدرناش
ياخساره ضاع العمر بلاش
ياريته ماضاع حبنا
ياريته كان حبنا
ولا سابنا يوم وحدنا
ياريته ما جرحناش
حاولنا ومقدرناش
حاولنا نكونله احباب
نسهر لعيونه وندوق العذاب
وفى عز الليل دقينا الباب
لكن الرد ماجش
روحنا دارنا مكسورين
ما نمناش
حاولنا ومقدرناش
ياريت حتى يفتكرنا...ما ينساناش
ولو فى يوم حس بينا
ييجى يقول
مايستناش
ح يلاقينا لسه بندوب
ما توبناش
ح نخليه يحبنا مع اننا
حاولنا ومقدرناش
Subscribe to:
Post Comments (Atom)
4 comments:
اول مرة اجى هنا
بس شكلى هبقى اعدى كتير
كتاباتك حلوة
و طالما بتحب amy lee
يبقى هاجى اكيد كتير :)
أنا طبعا مش حقولك رأى فيها لأن أنا يوم ما أنت قولتهالى تانتنى أفكر فيها طول اليوم بجد فيها كل حاجه المشاعر اللى ممكن يمر بيها الانسان ساعه ما ينكسر بس ياريت تكتب يا أبنى فى حاجه عن الأمال والاحلام وبكره
حاولنا نحلم بكلمة حب ما قالهاش
ونوهم عيونا بدنيا ماعيشنهاش
حاولنا نحلم
مات الحلم...والجرح عاش
اللللللللللللله عليييييييييييك
متالق كالعاده ايه الجمال ده
والمقطع اللى فوق ده مش ممكن يجنن وبالذات " مات الحلم ... والجرح عاش" تحفه بجد
"حاولنا ومقدرناش"
sure we all did the same thing in some day :))
Post a Comment