احكيلها ياقمر عنى
وانا فى ليلها سهران
قولها يا حته منى
هوايا جوايا حيران
ماهو لولا خوفى وحيرتى...ماكنتش بعتك مرسال
كنت اروح فورا لحبيبتى...واقولها الشوق قتال
لكن ياقمر حكمت عليا الظروف
ارسمها واكلمها ف السر
ياقمر وحياتك اعمل معروف
بسرعه قبل ما العمر يمر
سمعها غنايا فى جوف الليل
وريها دموعى على حبى دليل
قولها طيفك عليا بخيل
بيزورنى فى اليوم ييجى ميت مره
والله عليا قليل
وف اليله بموت من شوقى مستنى بكره
لاجل ماشوفك ياجميل
ياقمر روح وبلغها..مستنى الرد الليله
ماهو لسه اليل عليا طويل
Subscribe to:
Post Comments (Atom)
9 comments:
بيزوني في اليوم ميت مره
وقليل
ياعني علي الحب
ربنا يهنيك يا سيدي
بجد كلماتك تحفه والله واحساسك رائع
اكتر من رائع
تحياتي
gohayna :
دايما كدا بتجبرى بخاطرى..ميرسى اوى ليكى ومستنى حاجه جديده منك
على فكره انا عمرى ما شوفتش كومينت بالسرعه دى...على طول كدا يادوب عملت بابليش وبعدها لقيت الكومينت...عملتى رقم قياسى...حظى كويس اوى على كدا
احكيلها ياقمر عنى
وانا فى ليلها سهران
قولها يا حته منى
هوايا جوايا حيران
الله عليك وعلى رومانسيتك وعلى احاسيسك الجميله
جميله اوووووووى يا احمد
اي خدمه علشان تعرف بس
مش اي كلام
انا بسجل ارقام قياسيه علي طول
بس عند الناس الي بيعجبني كلامهم
تحياتي
يا جماعة بجد انتو لازم تشركوني حفله عيد ميلاد جينرمو معايا فى البلوج بتاعى انهاردة عيد ميلادها عشان انهاردة بجد اسعد يوم فى حياتى
ده انا فاتني كتييير اوي
يالا المهم اني رجعت بالسلامة :)
حلوة يا دكتور وليه الليل طويل يا عم انت كنت ف الشتا ولا ايه
انا بعتلك تاااج يالا جاوب عليه بسرعة
بس جميل اوي البوست ده
احساس عالي
ان شاء الله القمر سمع همسك اله وراح بلغها كلامك اتمنى هاد الشي
ربنا يوفقك
سنو ووايت
لو تعرفى انا كتبتها امتى؟؟بالتاريخ والثانيه؟ولو عارفه انا كتبتها لمين؟ ح تلاقيها احلى بكتير
Post a Comment