صدقنى ياقلبى مش ليك....كفايه اشواق كفايه
الف غيرها بيناديك....هواها مش نهايه
دور عليها فى غيرها...ما تنساهاش...لكن حاول تعيش
ح تلاقيها فى عيون بتحبك...مش زيها...ماحبتنيش
عايز تحبها؟...حبها
مالكش مكان فى قلبها
وهى عارفه انها
روحى فيها....وما بتضحيش
دور عليها ف غيرها...ما تنساهاش...لكن حاول تعيش
ح تلاقيها فى عيون بتحبك...مش زيها...ماحبتنيش
دى سابتنا نعيش فى نار....غابت وهجرت ليالينا
فضلنا نبكى ليل ونهار....وجاية تجرح ولا تداوينا؟
دور عليها فى غيرها..ما تنساهاش... لكن حاول تعيش
ح تلاقيها فى عيون بتحبك..زمش زيها...ماحبتنيش
7 comments:
رائعه كالعاده
معبره ومليئه بالاحاسيس
يالهوي يا اخي
ايه دا
الاحساس دا والله بينط
الكلمات بتتكلم لوحدها
مش ممكن الجمال في تتدرج الصوره
والحب الي مستمر رغم العذاب والغدر
شايفه فيها صوره واقعيه كتير مننا عاشها في حياته وحس بيها
والناس لامته علشان برضه بيفضل يحب الشخص الي جرحه
بس دا بيقبي غصب عن الواحد
اسواء شيء انك تحاول تتحكم في مشاعرك
لاننا بنفشل في معظم الاوقات
جميله
جميله
جميله
مع انك اهلاوي
بس والله كمان مره جميله
تسلم ايدك
تحياتي
دودى:ميرسى يادودى والحمد لله انها عجبتك
جهينه:ههههههههههههههههههههههههههههههههههه
مع انك اهلاوى بس والله جميله؟؟؟ بقى كدا يا زمالكاويه؟؟
ايه دا احنا بنردح لبعض ولا ايه؟هههههههههه
ثانيا هو انا كلامى حلو اوى كدا ولا تعليقك هو اللى خلاه جميل وكله معانى؟
انتى حبتى م الاخر لما قولتى انه فضل بيحب الشخص اللى جرحه بس دا بيبقى غصب عن الواحد...واه لو الشخص دا يعرف كمية الحب اللى ف قلب اللى اتجرح وكمية السماح اللى جواه
متشكر اوى اوى على كلامك الجميل
أحساسك عالي بجد
كلمات حلوة ومعبرة مع احساس صادق
بجد حلوة اوي
حلوة كتير يا احمد بس كيف قدرت تحكم عليها بالسرعة دي انها ما بتحبك ؟؟!!!
حلو الكلام
دور عليها في غيرها ما تنساهاش لكن حاول تعيش
وابقى طمنا عليك
كلمات جميله وبتخاطب ناس كتيير
تعرف دايما بحس ان الانسان بيدور على الحاجه البعيده عنه حتى لو مش عاوزها
وخصوصا لو حس انه مرفوض من شخص
بيفضل فتره يخنق نفسه عشان مجرد الشعور ده
يمكن لو قرب فعلا وعرفه على حقيقته هيعرف انه مش اللى هو عاوزه بس هنعمل ايه
الممنوع مرغوب
تحياتى لك
نورهان مفيد:كلمات حلوه واحساس صادق دى معادله صعبه اوى والكلام اللى بكتبه دا على ادى اوى اوى
ميرسى ودايما منورانى
سنوو وايت
اجمل كومينت واجمل حروف قريتها واجمل سطور واجمل اسم
فرحتى بالكومينت دا لا توصف
هى اكيد ما حبتنيش لانها على الاقل بتحب حد تانى ودا سبب كافى...وعموما البوست دا مالوش علاقه باى حاجه بمر بيها حاليا
ونفسى تقرى الكلام الحلو بجد اللى كنت بكتبه فى ايام كنت طاير فيها من السعاده ومحدش كان يعرف عنه حاجه
انا عايز اقول حاجه وكنت ح اعمل بوست مخصوص عن كدا
مش دايما بكتب حاجه بمر بيها حاليا ممن اكون كتبتها من فتره بعيده ونزلتها دلوقت..والحمد لله عندى كمية كلمات كبيره جدا مكتوبه من كذا سنه كمان ولسه ما نزلتش
وبرضه فيه بوستات بعملها كدا فور فن..يعنى فكره وجت وكتبت عنها
مشتاق جدا اسمع اخبارك واسمع صوتك وانا الحمد لله كويس وبخير
طمنينى انتى عليكى
ويلا بقى مستنى اشوف اول بوست ليكى
r.r
اهلا بيكى واول مش اخر كومينت
دى طبيعه الانسان وكنت دايما بسأل ليه يعنى فيه حاجه اسمها اتقل ووما تبينش حبك اوى عشان الطرف التانى ما يحسش انك ضعيف...وليه الانسان بيجرى ورا اللى مش حاسس بيه وبيموت عليه؟مع ان فعلا ممكن يكون مايستاهلش...ولو نال الانسان اللى بيللهث وراه..ح يفقد اهتمامه ومش ح يلاقيله بريق زى الاول وح يدور على حاجه تانيه يفضل معذب نفسه عشان ينولها هكذا
اهلا بيكى ويارب دايما تشرفينى بزيارتك وبتعليقك
Post a Comment