ابتدى عم سنو مان يطور فكره شويه وبعد ماكانت عينيه هى كل حاجه فيه بتحس وتفكر...ابتدت حاجات جواه تكبر من ناحيتها بالذات بس لسه مالهاش عنوان..وقرر خلاص ان اللى فيه دا حب
فتحت بابها وجريت جرى
ومن بعيد شافته واقف لوحده
ياعينى مستنى اى حد جاى
وصلت عنده واول ما عينيها جت عليه
لقيت الريح مستفرده بيه
بس الضحكه اللى رسمتها ف يوم م الايام
بتنطق ف وشه وماليه عينيه
ضحكت هى كمان..ضحكت بجد
يمكن عشان خوفها عليه كان ماله حد
وقفت جنبه فرحانه تحت الشمسيه
لحد الريح والمطر ما يهدوا شويه
وهو وقف مستغرب...ليه هى بتعمل كدا
كل مادا منه بتقرب...مش فاهم معنى لده
معناه الوحيده خوفها عليه
بس الخوف معناه ايه
مايعرفش
اصل الشعور مش ساكن فيه
صاحبنا قال مش لازم تفكيرى يوصل لحده
وليه يفكر وهى كلها كدا عنده
واتعدل ف وقفته فرد صدره
قال يعنى محدش اده
وبعد ما مشيت ابتدت مشاعره تتكون
لسه مفيش احساس لكن افكاره بتتلون
دا قرب ودا بعاد
دا استسلام ودا عناد
دى ضحكه ودى دموع ودا بكا بصوت مسموع
لقى نفسه عايز يفكر اكتر فيها عايز يشتاق بجد اليها
عايزها تعلمه ازاى يحس
ازاى يكون الكلام وازاى يكون الهمس
عايزها تحميه م الريح وشعاع الشمس
ماهى اتسببت ف وجوده
بعد ماكان عدم بالامس
بدأ شىء بزياده ليها يجذبه
عايز يرتعش
ينطق
يتحرك
لكن جموده بيغلبه
فيه شىء جواه عايز يثور وبيعذبه
قرر خلاص انها بتحبه
بس الحب مادقوش فى فلبه
اكمن قلبه ساكن مالوش دقات
وانفاسه بارده مافيهاش اهات
اهات الالم
واهات الحب بالذات
وزى كل مره جتله
بس المره دى تايهه
عيونها حيرانه
مش راسيه ف ناحيه
ويادوب ثوانى واتكلمت
قالتله عمرك مره دمعت؟
اكيد لأ...بلاش تجربها
بلاش احسن بتوجع
وكمان مهما كان صدقها
صدقنى ف النهايه
ممكن اوى تخدع
to be continued......
غدا باذن الله
3 comments:
ع فكرة انا كنت التعليقين اللي اتمسحوا امسحهم علشان انا بضايق لما بلاقي كومينت ديليت
بصراحة وبكل صراحة انا مكنتش فاهمة حاجة وده كان محتوى التعليقين اللي اتمسحوا بس لما فهمت مسحتهم علشان مأثرش عليك بالسلب ولا حاجة
بس ع فكرة حلوة اوي بعد مافهمتها ولو اني ممكن اكون فهمت غلط بس الكلمات حلوة تخش تضرب جوه ف القلب وتطلع وباين كده انك كاتب تو بي كونتين غدا ما النهاردة غدا ايه فين وامتى كده مش هشوفه غير يوم السبت بس عجبتني لما قرتها اكتر من مرة اعذرني يا دكتور دماغي مش متظبطة :)
كملهااااااااااااا بقى
حراااااااام كل ما اتشد معاها الاقيها خلصت انت لازم تنزل كل ساعه جزء
بجد تحفه حلوه اوووووووووووووووووووى
وبجد بجد ميرسيييييييييييييييييه اوووووووووووووووووووووى على الكلام اللى انت كتبتهولى بجد حبيته اوووى وحسيت انه قريب منى اوووووى بجد والله فناااااااااااان
ميرسيه اوووووى بجد جميييييييله جدااااااااا ميرسييييييييييه
انا كنت عايز اعمل الكومينت بتاعك ديليت بس مفيش الرسمه اللى منت بمسح منها الكومينت مش عارفه امسحه
ومعلش ممكن سؤال انت عايزنى امسحه ليه؟؟؟
وبجد تانى مره ميرسييييييييه بجد كلام حلو اووووووووووى
Post a Comment