كان فاكر انه اتعلم م البشر خلاص
و بقى واحد عادى زى بقيت الناس
واتاري دا كله انهيار
انهيار جبل التلج بركان الاحساس
حاول يمسك نفسه ومايفكرش
ماهو تفكيره سبب محنته
حاول يمنع خوفه ورهبته
ينسى جراحه وكسرته
يهدى ف اشواقه ومحبته
ينسى مشاعره ومايتأثرش
وكل دا ف الاخر مانفعش
دى كل دمعه كانت حته منه...بتهد ف كيانه وبتشيل
ولو يمنع دمعه...غصب عنه تنزل ع الارض وتسيل
ولما ملقاش مفر...استسلم
استسلم لما بص ف عينيها
شاف نفس لهفتها عليه
نفس الخوف ماليها
المره دى صدقها
وليه ف اخر لحظه يقسى عليها؟؟
قال كان نفسى تعرفى...كان نفسى تحسينى
هو سابلك جرح..وانا كنت ح اسيبك بتحبينى
امنتك امانه فى بالك خلينى...امنتك ياحبيبتى بلاش تنسينى
ولما وصلت كان هو سوى الارض
فى غمضة عين ادامها اتهد
وادى مشهد البدايه....اتكرر اخر الحكايه
بس الشعور اختلف
بين دمعه نزلت ف الاخر...كانت ف الاول ضحكايه
وعدى يوم ويمكن شهور
فتح عيونه تانى ع الدنيا
لقاها نفس الدنيا ولقى نفسه غرقان ف بحر عيون تانيه
اجمل بنت بتعدل عليه طاقيه وكوفيه
وع الشفايف رسمت نفس الضحكه هى
وف ثوانى بقت هى كل شىء بالنسباله
و اول مامشيت فكرو اشتاق
سأل امتى ياشوق تانى رجعاله؟؟؟؟
THE END....
10 comments:
تعرف هى كقصه رومانسيه
جذابه جدا وان كان اول جزء خلانى اتوقع احداث تانيه
عجبتنى فكرة رجل التلج والتعبير عن الشعور اللى حاسه او اللى بيحاول يحسه واللى هو دلوقتى بقى عند ناس كتير اقصد ان ناس كتي بقت متجمده
ومش عاوزه ترجع
عجبنى جدا الجزء اللى وصفت فيها تاثير الدموع على الانسان
وازاى الحزن ممكن يهده
معانى جميله وفكره لذيذه
بس للامانه الادبيه
انا فى راى انك طولت شويه فى بعض الاجزاء واختصرت فى اجزاء تانيه ممكن تدى عمق اكبر للفكره
وعلى كل انا استمتعت بيها
تحياتى لك
احساس جميل اوي والقصة بجد جميلة انا قراتها كلها بجد رائعة
واحساسها جامد جدا
هيييييييييييييييه خلصت
بس بجد بجد بجد
تحففففففففففففففففه
الله عليك يا ملك السهل الممتنع
خرااااااافه
مساء الخير
ينهار ابيض
انا فاتني كتير جدا جدا جددا
وبقي شكلي وحش اوي خالص يعني
مش ممكن بجد الخمس اجزاء جميله فعلا
وتغير كبير في اسلوبك وطريقتك
او مره اشوف السرد بتاعك واسلوبك في كتابه القصه
الناس لما بتخلص امتحانات بتكون مبدعه كدا؟
بجد والله تسلم ايدك
رومانسيه حزينه وجميله جد ا جدا
تحياتي وابقي طمني عليك
اييييييييه فينك يا احمد فين الجديد؟؟؟؟؟؟؟؟
مستنيه الجديد
stop
how ana m3lktesh hena??
ايه اللغه الغريبة ديه
لا انا كنت فاكراني علقت واخش اقول ايه هو مش بيرد علينا ليه
اكتشفت ان مفيش تعليق ياه ع ذكائي
لا لما بقت كلها ع بعض بقت جميلة وفهمت الفكرة لا جامده يا دكتور بس فين الجديد انت عليك تاج ع فكرة :)
انت فين يا ابني؟
ما تظهر بقي
تحياتي
r.r
فعلا انا بقيت وانا بكتب محتار اطول هنا ولا اقصر هنا؟؟المشكله انى كنت حاطط لنفسى حدود ضيقه اوى حاولت اكسرها فطولت ف الكلام ولما التزمت بيها قصرت ف كلام تانى..وف نفس االوقت كنت بوصف شعور حسيته وعشان كدا الحاجات اللى حسيتها كان فيها تطويل شويه...عموما اهى حاجه على ادى واكيد انا بتعلم والمرات الجايه اكيد ح تبقى احسن
ميرسى على تعليقك وصراحتك
لولا:
ميرسى جدا جدا جدا ويارب ما يكونش اخر كومينت...دخلت تدوينتك بس مالحقتش اعمل كومينت...النت فصل كالعاده:))
دودى:
لما خلصت بقى حاجه تانيه صح؟؟
انا لسه مخلص امتحانات من يومين وان شاء الله اخد نفسى واعمل بوست جديد
نوران:
حمدلله ع السلامه...وممعلش انا حكاياتى طويله شويه:))
جهينه:
تعليقك دايما بيبقى الحاجه الحلوه اللى بحلى بيها وبجد بستناه
لما حاجه بتعجبك بيجيلى...بيجيلى...روح معنويه
:))
معلش انا خلصت امتحانات يادوب وان شاء الله راجع تانى
Post a Comment